Tuesday 26 June 2012

చిన్ని శిశువూ

చిన్ని శిశువూ, చిన్ని శిశువూ
యెన్నడూ జూడమ్మ యిటువంటి శిశువూ

తోయపుపుంగురులతోడ దూగేటి శిశసు, చింత
కాయలవంటి జడలగములతోడ
మ్రోయుచున్న కనకంపు మువ్వల పాదాల తోడ
పాయక యశోదవెంట బారాడు  శిశువూ

ముద్దుల వ్రేళ్ళతోడ మెరవంక యుంగరాల
నిద్దపుంజేతుల పైడి బొద్దుల తోడ
అద్దపుంజెక్కులతోడ నప్పలప్ప లనినంత
గద్దించి యశోదమేను కౌగిలించు శిశువూ

బలుపైన పొట్టమీది పాలచాఱలతోడ
నులెవడి వెన్న దిన్న నోరి తోడ
చెలగి నేడిదె వచ్చి శ్రీవేంకటాద్రిపై
నిలిచి లోకములెల్ల నిలిపిన శిశువూ




chinni SiSuvoo, chinni SiSuvoo
yennaDoo jooDamma yiTuvanTi SiSuvoo

toayapupungurulatoaDa doogeaTi SiSasu, chinta
kaayalavanTi jaDalagamulatoaDa
mroayuchunna kanakampu muvvala paadaala toaDa
paayaka yaSoadavenTa baaraaDu  SiSuvoo

muddula vreaLLatoaDa meravanka yungaraala
niddapunjeatula paiDi boddula toaDa
addapuMjekkulatoaDa nappalappa laninanta
gaddinchi yaSoadameanu kougilinchu SiSuvoo

balupaina poTTameedi paalachaa~ralatoaDa
nulevaDi venna dinna noari toaDa
chelagi neaDide vacchi SreeveankaTaadripai
nilichi loakamulella nilipina SiSuvoo

శ్రీనివాసం నమామ్యహం

 
శ్రీనివాసం - Templates Novo Blogger